December 17 - 23, 2006
T is for Tee-hee
12/18/06 Pumunta si Johnlord sa bahay. Naliligo ako nang dumating siya. Hayun, tinahulan nang tinahulan ng pasaway na si Aya (aso). Tinawagan ko siya kagabi & tinanong ko kung kailan siya pwedeng pumunta. Isang taon din kasi kaming hindi nagkita. Nakakagulat kasi sinabi niyang bukas (Lunes). Kadalasan kasi, hindi pinapaalis ng bahay 'yun lalo na kung sa amin pupunta. Nag-sorry pa nga sa akin dahil nagpa(semi)kalbo raw siya. Ayaw ko kasing kalbo 'yun, e. Tumitigas kasi ang buhok niya (sa ulo, sa itaas ^^;). Dinala niya 'yung Kare Kano Vol. 7 manga ng kuya niya. Syempre, in english. Sarap nga ipa-xerox nung ibang pages, e. Ang cute kasi nung ibang drawing. Hindi ko nga lang natapos basahin. Natatawa ako dun sa mga drawing kay Tsubasa - para kasing backpack ni Tsubaki. Pinanood namin 'yung mga pelikula ng DLB (Health Ethics - Euthanasia). Nag-To Heart marathon din kami. Nauna naming panoorin 'yung episodes 8 & 13. Akala ko kasi hindi namin matatapos 'yung buong series sa maghapon. Isang taon mula nang mabili ko 'yung To Heart VCDs, ngayon ko lang napanood 'yung pahabol ng last episode: mga chibi ng main cast na nag-uusap tungkol sa ipa-palabas nila sa cultural festival. Pinanood din namin 'yung extrang episode ng Hanaukyo Maid-tai. Sana nga hindi siya naasar sa ulam namin: pritong isda, kangkong na iginisa sa oyster sauce & alamang, & beef buzz na Soupy Snax. Lasang gamot daw 'yung Beef Buzz. Oo nga. Ibinigay ko 'yung kopya ko ng Kare Kano Act 2.0 & 3.0 (ost). Binigyan niya ako ng printed picture ni Yukino & Soichiro. Na-touch ako sa message. Thank you. Nagpunta ako sa SM Bacoor para maghanap ng panregalo. Wala na 'yung mug na Monokuro Boo. Wala naman akong mahanap na panregalo na kakasya sa budget ko. Mahal pala 'yung Monokuro Boo items. May nakita rin akong stuff toy na Mirumo & Rirumu. Ang mahal! P400.
T is for Trip
12/20/06 Papunta ako sa Lotus Mall. Balita ko, maraming anime DVDs na ibinebenta doon. Isinabay ako ng isang babaeng taga-amin sa pagtawid. Thanks. 'Pag bakasyon, walang estu-estudyante kaya P7 din ang bayad ko sa jeep. Oo nga. Bumabaha ng DVDs. Ang kulit nung una kong pinuntahan. Ang dami niyang inirerekomenda. Sabi ko, mamimili muna ako. Kung pwede nga lang sabihing "Sa totoo lang, wala po kaming DVD player". May mga DVDs na 1 disc lang, isang series na. 'Yung iba, 6 to 7 episodes sa isang DVD. Meron ding DVD na 6 ang lamang series (nga ba? sabi ng tindera). Syempre, pinakamura na 'yung 1 disc, 1 series na. Ang hirap maghalungkat ng mga DVDs! Ang taas kasi ng istante. Nangawit tuloy ang braso ko. Inaalok sa sa akin 'yung Midori no Hibi. Bibigyan n'ya (tindera) raw ako ng discount, from 60 to 55 per cd. Dalawa ang DVD ng Midori no Hibi. Pinatesting ko 'yung DVDs. Nasa Midori no Hibi rin si Kayako ng Ju-on the Grudge. 'Yun ang palabas na pinapanood ni Seiji sa sinehan. Binili ko na. Nakakita ako ng DVD ng Boys Be. Dalawang DVDs rin. Akala ko nga nawala. Nakalimutan ko lang pala 'yung hitsura ng cover. Pinatesting ko. Sobrang atat 'yung tindero. Kasasalang pa lang ng nung DVD, oka na raw ba? (Gusto na niyang ilabas 'yung DVD, e wala pa akong napapanood.) Binili ko rin 'yung Boys Be. Hinanap ko 'yung pagawaan ng audio cds ("cd burn"). Nasa 3rd floor pala. Lumapit ako sa isang kiosk. Namili ako ng kanta. Lasug-lasog na 'yung bagong listahan nila ng mga kanta. Mas maganda pa ang kundisyon ng lumang listahan ng mga kanta. Naaawa ako sa stall na 'yon. Walang-wala silang supply ng papel. Parang gusto ko tuloy mag-donate ng papel. Nakakainis tumambay doon. Ang ingay! Nakatapat pa 'yung speakers sa akin. Buti hindisi Tippie ang nagpapagawa ng cd niya doon. 'Yung isang babae sa kiosk na 'yon, adik sa Tito-tita ni Makisig. 'Yun lagi ang pinapatugtog niya. Ang maganda sa listahan nila e, meron silang full albums. Kaya makukuha mo 'yung mga kantang sa album mo lang maririnig & hindi pinatugtog sa radyo. Meron din silang mga kanta na wala sa pinagpapagawaan ko sa Maynila. Pinahiram ako nung babae ng high chair ^^;. May nagpagawa ng Kenny G album. May space pa raw kaya pwede pang dagdagan ng kanta. Ipindagdag nung nagpapagawa 'yung I Love You Babe ni Rainier Castillo. Yuck! May interesado pala sa kantang 'yon. Hindi ko rin maintindihan kung bakit nasabi ng ibang tao na gwapo si Rainier. O, back to abnormal na. Nang matapos ko 'yung listahan ko, pinili ko 'yung Hello Kitty na cd. Pinaghintay ako sa kabilang table. Kinuha ko ulit 'yung listahan ko para palitan ng Beer 'yung Same Ground. May isang upuan na dumudulas 'yung isang paa. Kinuha ng ng isang mama 'yung upuan. Nakunsensya tuloy ako nang mabali 'yung paa ng upuan habang nakaupo 'yung mama - hindi ko kasi sinabihan. Habang ginagawa 'yung cd ko, pinatugtog ng babae 'yung last track - Slurpee. Green 'yung kanta kaya nahiya ako nang patugtugin niya 'yon. Baka kasi isipin niya: "Kababaeng tao, ganito ang kinahihiligang kanta". Green 'yung piniling jewel case nung babae. Puti 'yung pinili kong label. Green din 'yung print. Nagpasalamat ako dun sa nagpahiram sa akin ng high chair. Bumalik na lang daw ako kung sira 'yung cd. Umuwi ako ng mga bandang alas-8.
~~Ha-quote~~
Naka-post sa stall ng figurines: Lovely to see, Nice to Hold, But if you break it, (We) Consider it sold
~~Blessings~~
12/18/06 bumisita si Johnlord, nakabasa ng Kare Kano manga Vol. 7
12/20/06 nakasalubong ko si Sam Kalvin sa harap ng simbahan ng Iglesia ni Kristo sa Imus, nag-o-OJT na raw siya; Midori no Hibi & Boys Be DVD (kahit nadaya ako), pina-burn na audio cd
12/22/06 nakasakay sa Jethro Liner, nakapanood ng ilang episodes ng Boys Be
~~Ha-quote~~
Naka-post sa stall ng figurines: Lovely to see, Nice to Hold, But if you break it, (We) Consider it sold
~~Blessings~~
12/18/06 bumisita si Johnlord, nakabasa ng Kare Kano manga Vol. 7
12/20/06 nakasalubong ko si Sam Kalvin sa harap ng simbahan ng Iglesia ni Kristo sa Imus, nag-o-OJT na raw siya; Midori no Hibi & Boys Be DVD (kahit nadaya ako), pina-burn na audio cd
12/22/06 nakasakay sa Jethro Liner, nakapanood ng ilang episodes ng Boys Be
